Лукаку: Не знам зошто ова се случува…

Интер успеа да слави над Фиорентина со 2-1 и со тоа да обезбеди место во четвртфиналето на Купот на Италија.

Голот за триумф го даде Ромелу Лукаку во самата завршница на второто продолжение, а со тоа закажа градска пресметка со Милан во следната фаза на ова натпреварување.

-Тој меч е во иднина, ова е сегашност. Среќни сме што денеска победивме против силен тим со одличен тренер. Победивме и тоа е важно за нашата самодоверба, мора вака да продолжиме, -истакна Лукаку кој не  може да објасни зошто екипата не игра константно низ натпреварите, поточно има падови во играта.

-Не знам зошто се случува, но ние работиме на тоа и веќе разговаравме за тоа по натпреварот со Рома. Не треба да се случува, но ние сме млад тим, учиме од овие моменти и работиме напорно за да се подобриме, -дополни Белгиецот кој даде краток коментар за престојното дерби со Јувентус.

-Ќе биде многу тактички натпревар меѓу два тима кои прават одлични работи оваа сезона. Спремни сме и мора добро да се подготвиме за оваа игра, -заврши напаѓачот.