Лукаку: Атмосферата беше токсична, сакав…

Ромелу Лукаку се уште е еден од најдобрите белгиски фудбалери на сите времиња, играч кој е најдобар стрелец во историјата на националниот тим со 86 погодоци, па иако ја „раситни триесетката“ тој се уште е меѓу најзначајните фудбалери во репрезентацијата која е една од нашите ривали во квалификациите за Светското првенство во 2026 година.

Меѓутоа Белгија веќе некое време паѓа, веќе ја нема таа сила на „златната генерација“, а и под знак прашање се какви се односите меѓу играчи, а за тоа потврда е најновиот случај со голманите Куртоа и Кастелс.

Токму Лукаку се отвори и призна атмосферата во тимот не била најдобра говорејќи за претходното Европско првенство по кое самиот тој размислувал да се повлече, пензионира од репрезентацијата.

-Размислував да се повлечам по ЕП и поразот од Франција. Бев многу фрустриран и му кажав на Јан Вертонген дека тоа повеќе не го чувствувам. Многу работи се случија за брзо време. Но, не можев да ја напуштам мојата земја.

-За време на турнирите, целосно се фокусирам на тимот. После тешко беше да се свари еЕП. Атмосферата беше доста токсична, а резултатите ги немаше. Не реагирам добро на пораз, но тоа отсекогаш била и моја сила. Можеби треба да се отворам уште малку, -порача напаѓачот на Наполи.