Лук Шо откри какво чудно објаснување добиле играчите од судијата Атвел за недосудениот пенал

Оле Гунар Солскјер директно се пожали за недосудениот пенал во корист на Манчестер Јунајтед и посочи дека неговиот тим бил оштетен во дербито со Челси, јасно критикувајќи ја одлуката на главниот судија и оние во ВАР собата по евидентното играње со рака на Хадсон Одои.

Офанзивниот играч на Челси ја удри топката со својата рака која беше во неприродна позиција и се чинеше дека Јунајтед сигурно ќе добие пенал, но иако арбитарот Стјуарт Атвел ја гледаше повторената снимка на мониторот, на крајот процени дека нема доволно елементи за најстрога казна.

– Во тој момент, видов дека некој ја удри топката со рака, но бев сигурен дали е Гринвуд или Хадсон. Јас продолжив со игра, не знаев дека ќе има преглед. Не знам зошто ја прекинаа играта ако на крајот немаше пенал.

– Ако не е пенал, зошто тогаш се прекинува играта и се проверува? Судијата дури му порача на Хари Мегваер дека ако досуди пенал за ваква ситуација, ќе предизвика многу реакции во јавноста.

– Мегваер ни порача дека од ВАР процениле дека е пенал, нависитна не знам што одлучи судијата Атвел. Мене ми е нелогично, но нема да се бунам и да плачам за ова. Ќе бидам реален и ќе кажам дека ниту еден тим не направи доволно за да победи, – изјави левиот бек на Јунајтед.

За разлика од левиот бек, Солскјер беше убеден дека таа ситуација треба да биде казнета со пенал, па дури и му објаснуваше на помошникот како топката удри во раката на Одои.