Луис Суарез го договорил трансферот во МЛС

Луис Суарез наскоро и официјално ќе се пресели во МЛС и ќе си ја исполни желбата за која зборува неколку месеци наназад.

Гремио конечно решил да му потврди на Интер Мајами дека ќе му дозволи на Уругваецот да го засили американскиот клуб веќе во декември, кога завршува сезоната во бразилското првенство.

Поранешната ѕвезда на Барселона со ова ќе им се приклучи на тројца поранешни соиграчи на Флорида, каде веќе настапуваат Лионел Меси, Серхио Бускетс и Жорди Алба.

„ЕСПН“ најавува дека Суарез ќе потпише едногодишен договор со можност за продолжување на уште една сезона со амбициозниот член на МЛС.

Суарез сезонава е водечки стрелец на тимот од Порто Алегре со 10 гола, а забележа и 10 асистенции, но нема да ја одработи втората сезона од двегодишниот договор со Гремио.