Луис Суарез: Артур нема направено ништо во Барселона, во Италија за него…

Легендата на Барселона и Интер и единствен Шпанец кој ја има освоено „Златната топка“, Луис Суарез Мирамонтес смета дека каталонцте треба да бидат отворени за продажба на Артур Мело.

Артур е еден од играчите кој требаше да биде новиот Чави, меѓутоа во досегашниот период не се изнаигра на „Камп Ноу“, односно неговата улога според Суарез можеше да ја одигра, преземе некој од школата на клубот притоа потенцирајќи го Карлес Алења.

-Артур досега нема ништо направено. Нели Алења можеше истото да го направи? Ако дојде играч од страна, треба да игра на повисоко ниво. Кога овде во Италија зборуваат за Артур изгледа како да e Пеле. Изгледа не го гледале, -вели Суарез.

Артур се поврзува со преселба во Јувентус, поточно во размена во која Миралем Пјаниќ би завршил во Барселона.