Луис Енрике со свој искрен став за „сапуницата Меси“: Клубот е над секој, ќе беше многу подобро ако….

Луис Енрике денеска одржа прес конференција во пресрет на дуелот со Украина во Лигата на нации, но шпанскиот селектор како поранешен тренер и легенда на Барселона, не пропушти да даде и искрен коментар за целата сапуница која ја изрежираа клубот и Лионел Меси.

Селекторот на „фуријата“ во изминатиот период се обидуваше да се држи на страна и не даваше официјален став за она што се случува во клубот, но сега откако Меси на крајот одлучи да остане во клубот, Луис Енрике денеска излезе со изјава со која призна дека не е задоволен од пристапот на двете страни.

– Станува збор за многу деликатна тема, но сега ќе се огласам. Клубовите сегакош се над се и над секого. Вистина е, Лео направи Барселона многу да напредне, но ќе бидам искрен. Ќе беше многу подобро ако се постигнеше договор меѓу двете страни.

– Двете страни треба да бидат благодарни, си помогнаа еден на друг две децении. Верувајте, не се случи сега, но ќе дојде ден кога Лео ќе ја напушти Барселона, тоа е сигурно. Кога ќе дојде тој ден, ќе биде вистинска штета, но Барселона ќе остане голема и ќе продолжи да освојува титули, – порача Енрике.

Инаку, Луис Енрике е последниот тренер кој и донесе огромни успеси на Барселона во фудбалска Европа, бидејќи во својата етапа на „Камп Ноу“ ја освои „триплетата“.