Поврзете се со нас

Шпанија

Луис Енрике си го одржа зборот со СП во Катар и ја импресионираше шпанската јавност (Фото)

Објавено

на

Луис Енрике имаше неславен крај на етапата како шпански селектор и заработи отказ по раната елиминација на мундијалот, кој ќе остане во сеќавање и на интересните излагања кои ги имаше на познатата стриминг платформа.

Популарниот Лучо побегна од „комфор-зоната“ и направи нешто револуционерно кога се во прашање тренерите, односно покрај стандардните прес-конференции, одржуваше вклучувања во живо за фановите и одговараше на нивните прашања преку каналот на Твич.

За да можат да му поставуваат прашања, фановите мораа да бидат претплатници и издвојуваа одредена сума за вклучување во емисијата, а Луис Енрике уште тогаш најави дека собраните средства ќе ги донира на едно онколошко одделение во Шпанија кое лечи болни од рак.

Познатиот стручњак си го одржа зборот и денеска откри дека собрал 30 илјади евра од своите 10 сесии на Твич за време на мундијалот во Катар, по што неговиот потег наиде на голем поздрав во јавноста.

Луис Енрике ја загуби својата деветгодишна ќерка Хана како последица на рак, поради што мораше да направи прекин и да ја напушти селекторската позиција во првата етапа.

Реклама
Реклама
Реклама

Популарни