Поврзете се со нас

Шпанија

Луис Енрике објасни зошто направи директен премин во Барса по пет години минати во Реал

Објавено

на

Луис Енрике Мартинез во својата втора половина од играчката кариера прерасна во фудбалска легенда на Барселона, но оние кои подолго ги следат случувањата во шпанскиот фудбал, сигурно се сеќаваат дека офанзивниот играч имаше и долга етапа во Реал Мадрид.

Всушност, Луис Енрике се проби на фудаблската сцена како играч на Реал и беше во Мадрид од 1991-ва до 1996-та година, но потоа мина цели осум години во Барселона каде стави и крај на професионалната кариера.

Со оглед на тоа што до неодамна беше и тренер на Барселона, Луис Енрике повеќе е поврзан за каталонскиот гигант, а сега како селектор на шпанската фудбалска репрезентација, објасни зошто направи директен премин на „Камп Ноу“ пред 24 години како слободен агент (Реал не заработи ништо за него).

– Сега кога помина толку многувреме, тоа е една од најубавите работи кои ги паметам. Ми завршуваше договорот со Реал после пет години. На крајот, не постигнавме договор за продолжување. Тие сакаа да продолжам, но не постигнавме договор, не ме убедија. Од тој момент, го избрав патот кој мислев дека е најдобар.

– Во овој свет, сите сакаме да бидеме паметени по добро. Јас ги прифатив критиките, но знаев како да се носам со тоа. Се сеќавам и на изјавата на Капело кој не можеше да разбере како си отидов гратис, – додава Енрике кој за крај даде коментар за неговата контроверзна реакција на „Бернабеу“ кога постигна гол како член на Барса на „Ел Класико“.

– За некој што дава гол, треба да го прослави онака како што мисли во тој момент, – едноставно одговори стручњакот во разговорот за „Colgados del Aro“.

Реклама
Реклама
Реклама

Популарни