Луис Енрике: Не очекувам Дембеле да го замени Мбапе

ПСЖ вчера освои само бод на гостувањето кај Ремс, а Усман Дембеле беше фудбалерот кој со погодок успеа да донесе израмнување и реми за актуелниот француски шампион.

По натпреварот, тренерот Луис Енрике потенцирал дека не очекува токму Дембеле да го замени Килијан Мбапе како најдобар стрелец во екипата и дека не сака да создава притисок врз само еден свој фудбалер во однос на реализацијата на шансите.

– Не бараме нов голгетер, затоа што ако почнеме да правиме таков притисок врз Дембеле, може да си создадеме проблеми кога тој нема да постигнува голови.

– Најважно е да победуваме, а воопшто не ми е важно кој ќе ги постигнува головите. Нека биде тоа само играч кој го носи дресот на ПСЖ, нема да правиме притисок врз еден фудбалер, сите играчи мора да напредуваат, – рекол Луис Енрике.

За ПСЖ ова беше прво реми сезонава, па без разлика на резултатите на Монако и Олимпик Марсеј, ќе остане најмалку на делба на првото место по петтото коло.