Луис Енрике ја комплетираше најтешката велосипедска трка и покажа како изгледаат неговите нозе после 658 километри (Фото)

Покрај фудбалот, Луис Енрике чувствува голема пасија и кон велосипедизмот и во повеќе наврати го има покажано тоа на дело, а откако вчера комплетираше уште еден голем подвиг во животот, доскорешниот шпански селектор излезе со објава на социјалните мрежи.

Популарниот Лучо по трет пат успеа да ја заврши макотрпната велосипедска тура „Absa Cape Epic“, која важи за најтежок предизвик во светот на велосипедизмот со „маунтин-бајк“.

Откако тоа го направи во 2013-та и 2018-та година, Луис Енрике повторно доби слободно време за да ужива во нештата кои навистина ги сака, а авантурите со велосипедизмот му донесоа уште едно признание за завршена трка.

Шпанецот извозел точно 658 километри во нависитна тешки и исцрпувачки услови, па по комплетирањето на предизвикот, и покажа на јавноста како изгледаат неговите нозе.

– Вака ти изгледаат нозете после осум дена возење со „маунтин-бак“ и минати 658 километри и вкупна денивелација од 15,555 илјади метри.

Así se te quedan las piernas después de 8 días de btt, 658 kms y 15.500+ pic.twitter.com/NeL5wsyDBd

— LUISENRIQUE (@LUISENRIQUE21) March 26, 2023