Луис Енрике ги шокирал фановите со една изјава: Може да испишам историја

Шпанскиот тренер Луис Енрике во моментов го води ПСЖ, а може да се пофали и со одличните резултати кои претходно ги постигна и како тренер на Барселона.

Откако направи трансфер од Реал Мадрид во Барса, Енрике стана клупска легенда на Каталонците, а подоцна го одведе клубот до повеќе трофеи и како предводник од клупата.

Неодамна тој бил дел од снимање на емисија за каталонска телевизија, со која ќе се одбележи 125. роденден на Барселона, а прилично ги шокирал авторите на серијалот, а сега и фановите на Барса со една иронична изјава.

– Мислам дека никој досега не бил фудбалер и тренер и на Барселона и на Реал Мадрид.

– Можам да испишам историја, би било навистина добро. Се шегувам, нема да го направам тоа, – рекол Луис Енрике.