Луис Енрике еуфоричен по „шестката“ на ПСЖ: Можевме да постигнеме десет гола

ПСЖ го отвори второто коло во француското првенство со убедлива победа од 6:0 против Монпелје, со што актуелниот шампион постигна десет гола на првите два натпревара.

Засега фановите немаат причина за загриженост и покрај заминувањето на Килијан Мбапе, а тренерот Луис Енрике не крие дека е презадоволен од тоа што го гледа.

Шпанскиот стручњак дури смета дека раководството на ПСЖ тешко би можело да го награди квалитетот на актуелниот тим.

– Навистина е тешко да се подобри оваа екипа. Како тренер сум задоволен и среќен, ќе биде многу комплицирано да се надгради она што го имаме во моментов. Дали имаме подобар тим од минатата сезона ќе знаеме на крајот на сезоната, – рекол Луис Енрике.

– Ми се допадна начинот на кој Асенсио и Коло Муани одиграа во нападот како „деветки“, навистина сум задоволен што ги имам овие играчи. Дали ми треба „деветка“? Немам ништо против, но и вака е одлично.

– Вечерва имавме речиси перфектно издание. Постигнавме шест, а можевме најмалку десет гола и тоа против квалитетен и искусен противеник, – рекол тренерот на ПСЖ.