Луис Енрике: Ашраф се уште ми се потсмева за болниот меч од Катар

Луис Енрике за првпат во тренерската кариера подготвува едно големо француско дерби, бидејќи овој викенд силите ќе ги одмерат омразените ривали ПСЖ и Марсеј.

Шпанскиот стручњак се фокусира на својот тим и се надева дека ќе има сличен епилог како оној против Борусија во Лигата на шампионите, но бидејќи во противничкиот тим има еден играч од кој посебно беше воодушевен, новинарите не заборавија да го потсетат на Азедин Унахи.

Луис Енрике како шпански селектор посебно го издвои Мароканецот за време на Светското првенство и нагласи дека тој им создал најмногу проблеми, па сега повторно ќе мора да подготвува тактика против него.

– Унахи веќе е интернационален фудбалер и сега сите го знаат. Кога се навраќам на минатото, тој натпревар ми нуди лоши спомени. Тоа беше меч во кој Мароко трчаше многу и ги покри сите празнини.

– Посебно добар беше Унахи, но не заборавајте дека дел од тој тим беше и Ашраф Хакими. Се уште ми се потсмева за тој болен пораз сега кога сме заедно, – открива Лучо.