Лудница на „Метрополитано“: Гризман погоди во 94 минута, Атлетико го доби неверојатниот меч со седум погодоци (ВИДЕО)

Барселона и Реал Мадрид постајано се во фокусот на јавноста како две екипи кои се борат за титулата во Шпанија, но во таа трка дефинитивно е и Атлетико Мадрид по одличната серија на резултати која вечерва продолжи со спектакуларен пресврт на „Метрополитано“.

Атлетико иако прв поведе во соочувањетото се Севилја (преку Де Пол) се најде во многу тешка ситуација до 62 минута затоа што дозволи противникот комплетно да го сврти резултатот и да води со 3-1 во Мадрид со погодоците на Лукебакио, Ромеро и Санчез.

Меѓутоа „душекџиите“ се тим со многу енергија, карактер и никогаш не смеат да се отпишат особено кога играа во својот дом пред своите навивачи, па од 62 до 94 минута домашните фудбалери погодија трипати и на крајот славеа со 4-3.

Искусниот Гризман реализираше двапати од кои ќе се памети оној вториот во судиското продолжение, а убав гол даде и Лино.

El de siempre dándonos la victoria del año.

Hay que hacerle una estatua a Griezmann lo antes posible. pic.twitter.com/o52opKAY8o

— Don Oblak (@DonOblak) December 8, 2024

Клубот од Мадрид има 35 бода, еден помалку од Реал и три од лидерот Барселона.