Лудило во баражот за ЛШ: Галатасарај прими гол, Муслера го нападна стрелецот (Видео)

Галатасарај вчера го пречека Јанг Бојс на домашен терен во бараж финалето за пласман во групната фаза на Лигата на шампионите, реванш кој ќе се памети по сцените во самата завршница.

„Лавовите“ се обидуваа на секаков начин да постигнат погодок во мрежата на гостите, меѓутоа на крајот мечот заврши со една контра по која Јанг Бојс даде гол и ги реши сите прашања околу патникот во групната фаза во Лигата на шампионите.

Швајцарскиот тим ќе биде дел од ждрепката на УЕФА за најелитното натпреварување, но вкупниот резултат 4:2 останува во сенка на тоа што се случи во финишот.

Алан Вирџиниус беше стрелец на голот за 0:1, но во моментите кога тргна да се радува, беше нападнат од искусниот голман на Галатасарај.

Фернандо Муслера се „исклучи“ за момент и со отворен ѓон го нападна противничкиот фудбалер, по што сосема заслужено беше испратен на предвремено туширање.

Ваквиот однос на Уругваецот во УЕФА натпреварување ги шокираше фудбалските фанови, па голем дел од нив бараат сериозна и примерна казна за чуварот на мрежата на Галатасарај.

Madness in Turkey! 😱

Galatasaray GK Fernando Muslera loses his head and sees red after conceding a late goal to Young Boys winger Alan Virginius 🟥 pic.twitter.com/VC0Sjz9Y5w

— CBS Sports Golazo ⚽️ (@CBSSportsGolazo) August 27, 2024

Efendi Muslera nın kırmızı kart gördüğü pozisyon
Tribün çekimi pic.twitter.com/Bprj5cKOTu https://t.co/CAuJnK1oAy

— 🅺🅰🅰🅽 (@EKGedik) August 27, 2024