Лудило на легендарната трка во Лиеж: Почна предвреме да ја слави победата, па доживеа шок (Видео)

Жулијан Алафилип е актуелен светски шампион во велосипедизам, но од ова попладне и човек кој ќе биде доста исмеван на социјалните мрежи поради киксот кој го направи на легендарната трка која се возеше во Белгија.

Традиционалната трка Лиеж-Бастон-Лиеж донесе неверојатна драма во спринт завршницата, која на крајот ни донесе и луд фото финиш каков што ретко може да се види во велосипедизмот.

Францускиот возач Алафилип беше прв, но почна прерано да ја слави победата пред да ја мине завршната цел, па беше брутално казнет од страна на Примож Роглич кој му се прикраде од зад грб.

Словенецот кој заврши втор на годинешното издание на Тур Де Франс го искористи невниманието и опуштањето на Алафилип, па така на крајот тој се израдува на голема и инфаркт победа на традиционалната трка во Белгија со должина од 257 километри.

За да биде денот уште погорчлив за Алафилип, на крајот беше казнет поради непрофесионален потег пред завршниот спринт, па не се најде ниту на пиедесталот на трката во Белгија, завршувајќи дури како петопласиран.

🤭 Roglic
😱 Alaphilippe#LiegiBastogneLiegi #LBL pic.twitter.com/k0SFrzZ0ki

— Tiempo de Juego (@tjcope) October 4, 2020