Луд натпревар во Германија: Тимот на Клозе славеше со 8:3 (ВИДЕО)

Германската фудбалска легенда, Мирослав Клозе од оваа сезона го предводи Нирнберг, повеќекратен шампион на оваа земја кој веќе некое време е надвор од елитната конкуренција.

Клозе се обидува да донесе позитивна енергија и подобри времиња за клубот, а во последно време добро му оди затоа што Нирнберг врза три победи од кои се издвојува денешната против Регензбург во дуелот на кој паднаа дури 11 погодоци.

Домаќините во еден луд и отворен меч славеа со 8:3 иако резултатот до 59 минута беше 3:3. Четата на Клозе водеше со 2-0, гостите се вратија и израмнија на 2-2, но во судиското продолжение на првиот дел фаворитот дојде до нова позитива 3-2.

Прогер во 49 минута стрелаше за 3-3 за да потоа домашните фудбалери со фуриозна игра во последниот половина час го потопат противникот.

Со 16 бода Нирнберг е на 6. место на табелата.