ЛШ: Вила го нокаутираше Бриж за десет минути, Арсенал со реми до четвртфинале (Видео)

Астон Вила и Арсенал го потврдија пласманот во четвртфиналето на Лигата на шампионите и ќе ја бранат честа на англиските екипи во продолжението од најелитното европско натпреварување.

Вила долго време имаше фудбалер повеќе против Бриж, а предноста ја искористи во периодот од 50 до 61. минута, во кој Асенсио постигна два, а Матсен еден гол, па составот на Унај Емери го реши победникот во натпревар кој и заврши со тие погодоци, односно резултат 3:0.

Головите можете да ги видите ТУКА

Арсенал ја заврши работата во двомечот со ПСВ уште на средбата во Холандија, а на рутинскиот реванш можеше да си дозволи и реми (2:2) против осминафиналниот ривал.

Зинченко и Рајс носеа предност за „топчиите“, но Перишиќ и Дриух израмнуваа за ПСВ на денешниот дуел.

Астон Вила во четвртфиналето ќе се соочи со ПСЖ, додека Арсенал за противник ќе го има подобриот од градското дерби меѓу Реал и Атлетико Мадрид.

Головите можете да ги видите ТУКА