ЛШ: Дејвис го спаси Баерн од продолжение, Аталанта не успеа да направи чудо во вториот дел (Видео)

Баерн Минхен, Клуб Бриж и Бенфика го комплетираа списокот патници во осминафиналето на Лигата на шампионите од денешните плејоф реванши во најелитното европско натпреварување.

Трите натпревари донесоа голема драма по која само Бриж како гостинска екипа стигна до голема победа и пласман во следната рунда.

Белгијците имаа неверојатно прво полувреме во кое поведоа со 0:3 со головите на Талби (2) и Јутгла. Сепак, Аталанта не се предаде и уште во првата минута од вториот дел, резервистот Лукман успеа да намали на 1:3.

Подоцна Лукман имаше голема шанса да донесе вистинска драма, но не реализираше пенал во 61. минута, па до крајот немаше ниту еден гол во Бергамо, каде Толои доби директен црвен картон во редовите на Аталанта.

Головите може да ги видите на следниот ЛИНК

Баерн Минхен се мачеше против Селтик до 94. минута, кога Дејвис успеа да израмни на 1:1 и со тој погодок го одведе Баерн во осминафиналето. Шкотскиот клуб водеше од 63. минута со голот на Кун и за неколку секунди испушти продолжение во Минхен.

Головите може да ги видите на следниот ЛИНК

Бенфика и Монако одиграа 3:3 на натпревар на кој гостите два пати имаа водство и се закануваа со продолжение, но Бенфика успеа да израмни вторпат и со реми избори осминафинале.

Головите може да ги видите на следниот ЛИНК