ЛШ: Баерн и Бенфика ќе влезат со предност на реваншите, Милан скапо ја плати грешката на Мањан (Видео)

Баерн Минхен и Бенфика ќе ги дочекаат плејоф реваншите против Селтик и Монако со предност од првите средби, додека на Милан на домашен терен ќе мора да ја неутрализира негативата од гостувањето кај Феенорд.

Милан загуби со 1:0 и тоа со гол постигнат уште во 3. минута, кој Игор Паишао го постигна најмногу благодарение на лошата интервенција на несигурниот Мајк Мањан.

Италијанскиот состав не успеа да стигне барем до израмнување и фаворитската улога во двомечот ќе треба да ја правда на реваншот на „Сан Сиро“ веќе наредниот вторник.

Баерн Минхен го победи Селтик како гостин со 1:2, а головите за бундеслигашот ги постигнаа Олис и Кејн.

Еден гол беше постигнат на дуелот Монако-Бенфика, а таму Павлидис во 48. минута ги постави конечните 0:1.