Лотито за најголемата ѕвезда на Лацио: Нема да го присилам да остане

Клаудио Лотито е незаменлив како прв човек на Лацио и ја извршува оваа улога речиси две децении, а како претседател на клубот ги носи и најважните одлуки на трансфер пазарот.

Лотито секогаш го има последниот збор кога е во прашање ангажман на било кој играч во првиот тим, но истото важи и за играчите кои си заминуваат од „Олимпико“.

Сергеј Милинковиќ Савиќ со години е најголема ѕвезда на Лацио и досега одолеа на сите понуди кои му стигнаа на адреса, но ова лето е најблиску до заминување бидејќи важечкиот договор му истекува за 12 месеци.

Доколку не стави потпис на нов договор, Лацио ќе биде приморан да го продаде, а тоа меѓу редови го потврди и Лотито во интервјуто за „Газета“.

– Јас не би го продал Сергеј, се обидувам да му го продолжам договорот, но за да се случи тоа, потребна е желба од двете страни. Лацио не е во ситуација да мора да продава, за да добие засилувања на трансфер пазарот. Ако некој си оди, тоа нема да биде поради тоа што ни требале пари.

– Сите одлуки се разгледуваат, но јас никој нема да присилам да остане во клубот. Лацио ќе биде засилен ова лето и тоа е нашата стартна точка. Ќе дојдат играчи кои ќе бидат функционални за првиот тим и ќе имаме поширок ростер, – вели Лотито.