Поврзете се со нас

Италија

Лотито со јасна порака до незадоволната ѕвезда: Ако сака да си оди, нека ги донесе парите!

Објавено

на

foto:twitter.com/OfficialSSLazio

Луис Алберто најави дека повеќе не сака ниту едно евро плус од Лацио и бара само да си замине од клубот ова лето, но желбите на фудбалерот се едно, а барањата на клубот нешто сосема друго.

Шпанецот минатото лето стави потпис на нов договор и доби покачување на платата какошто сакаше, а неполна година подоцна, сега бара од клубот да го ослободи без обесштетување.

Клаудио Лотито е надалеку познат како тежок преговарач и во овој момент не ни помислува да му ја исполни желбата на фудбалерот, за кого испрати и порака преку италијанските медиуми.

– Се што произлезе од случајот Луис Алберто, дојде поради самиот фудбалер. Има важечки договор, ако сака да си оди, треба да ги донесе парите кои ги бараме за него.

– Нема да му дозволиме да си замине гратис какошто побара јавно. Има уште еден клуб кој е во игра ако направи трансфер, бидејќи ние треба да исплатиме процент за негово заминување, – изјави Лотито, потсетувајќи дека Ливерпул задржа 25 проценти од правата од идната продажба на Алберто.

Како што информираат медиумите, Шпанецот во овој момент има важечка понуда од Саудиска Арабија, но сепак ќе мора да ги убеди Арапите да извадат пари и за Лотито и Лацио, доколку на крајот сака да си ја исполни својата желба.

Реклама
Реклама
Реклама

Популарни