Лоши вести за Барселона: Тер Штеген поради повреда мораше да ја напушти германската репрезентација

Марк Андре Тер Штеген мораше принудно да се повлече од националниот тим, поточно нема да биде на голот на Германија за дуелите со Турција и Австрија.

Најдобриот германски голман имал акутни болки во грбот по што е одлучено тој да се врати во Барселона.

-Тер Штеген ќе ги пропушти двата натпревари бидејќи има акутни болки во грбот. Утре – во сабота – ќе лета назад за Барселона. Се надевам дека наскоро ќе закрепне и ќе се врати на терените со својот тим, -истакна германскиот селектор Јулијан Нагелсман.

Сега ќе следат дополнителни тестови и ако е нешто посериозно тоа ќе биде сериозен проблем, удар за Барселона со оглед на тоа што Тер Штеген е многу важен играч, лидер на екипата.