Лош пристап од Полјакот: Левандовски беснееше на свој соиграч, па одби да му подаде рака (Видео)

Роберт Левандовски веќе покажа лош пример и го олади Чави Ернандес на гостувањето во Сан Себастијан кај Реал Сосиедад, но денеска нешто слично повтори и кон свој соиграч за време на мечот со Алавес.

Полјакот беше спасител за Барселона и тој со два гола се погрижи за пресврт од 2:1, но специјализираните шпански емиции уште еднаш го презентираа и лошиот пристап кој го има голгетерот во последно време.

Денеска мета на Левандовски бил Ламине Јамал, суперталентираниот 16-годишен фудбалер на Барселона кој морал да ги трпи забелешките од искусниот голгетер, но и да биде дел од непријатен момент.

По една акција во 72-та минута, Левандовски бесно му се обрати на својот 19-години помлад соиграч, па одби и да му подаде рака во ситуација кога Ламине му даваше објаснување.

Ваквиот потег на Полјакот наиде на доста негативни реакции во јавноста, а истиот беше уловен од специјализираните емисии, но и од еден фан на стадионот.

👀 Lewandowski and Lamine after his attempt
pic.twitter.com/afLIgxdBYZ

— Barça Worldwide (@BarcaWorldwide) November 12, 2023