Лопес за Надал: Технички и тактички тој е…

Рафаел Надал и официјално ја заврши својата активна тениска играчка кариера и тоа на завршниот Дејвис Куп турнир во Малага, настан на кој триумфираше италијанската репрезентација.

Надал некое време се мачеше, се обидуваше да се врати, да биде конкурентен, меѓутоа и покрај големата желба, труд едноставно телото не му дозволи да продолжи, па со оглед на тоа што не може да го испорача нивото на кое сака да биде реши да стави крај на успешната приказна.

Многу пораки, коментари стигнаа за Рафа, а меѓу оние кои имаа што да кажат е и Фелисијано Лопез.

-Тој е многу срамежлива личност, но кога подобро ќе го запознаете, ќе видите дека е прилично забавен. Една од причините поради кои е таков натпреварувач е самодовербата што ја има во себе.

-Многу е кажано за неговото однесување на теренот и неговите физички способности, но мислам дека тој е неверојатен тенисер. Технички и тактички е, ако не најдобар, тогаш втор или трет најдобар во историјата на овој спорт, -порача Фелисијано кој во минатото има посочено дека Новак Ѓоковиќ е најдобриот рекет на сите времиња.