Лони Вокер го напушта Жалгирис и се враќа во НБА лигата

Жалгирис остана без голема ѕвезда во својот ростер, откако Лони Вокер решил да се врати во НБА лигата.

Евролигашот мора да ја прифати одлуката на Вокер, кој имаше клаузула во договорот според која може да се врати во својата татковина, односно во НБА.

Вокер прифатил двегодишен договор од Филаделфија за кој ќе заработи 3,7 милиони долари, со што ќе го облече дресот на уште еден различен тим во НБА лигата.

Филаделфија има разочарувачка сезона во која е на делба на 11. место со Бруклин во источната конференција, па ова е уште еден потег со кој раководството на тимот се обидува да помогне во обезбедување место во плејофот.

Вокер првите четири сезони во НБА ги помина како член на Сан Антонио, откако беше избран како 18. пик на драфтот во 2018 година. Подоцна по една сезона го носеше дресот на Л.А Лејкерс, односно Бруклин Нетс.