Лондонски маратон: Китата го изненади светскиот рекордер Кипчоге

Елиуд Кипчоге беше прв фаворит за победа на денешното издание на маратонот во Лондон, но тој ја загуби битката со Шура Китата во завршните километри од трката.

Традиционалниот маратон низ лондонските улици му припадна на Китата од Етиопија, кој благодарение на спринтот во финишот стигна до најголем успех во својата маратонска кариера.

Светскиот рекордер Кипчоге на крајот ја освои само осмата позиција, што за Кениецот е прв маратонски пораз уште од 2013 година.

Победникот Китата ја завршил маратонската трка за 2:05.41 часа, а зад него се најдoa Винсент Кипчумба од Кенија и Сисеј Лема од Етиопија.

На женската трка очекувано победи Кенијката Бригид Косгеи, инаку сопственичка на светскиот маратонски рекорд. Второто и третото место им припаднаа на Сара Хол од САД и Рут Чепнгетик од Кенија.