Локатели: Се имавме во наши раце, ова многу боли!

Јувентус падна во Ајндховен по дополнителните 30 минути и доживеа елиминација од Лигата на шампионите.

Калчолигашот славеше со 2-1 во првата пресметка со ПСВ, но во му дозволи на противникот да победи со истиот резултат во реваншот и со тоа да избори продолженија во кои погодокот на Фламинго во 98 минута се покажа како пресуден холандскиот претставник да избори пласман во осминафиналето на најквалитетното клупско натпреварување.

Ова дефинитивно е болен пораз и елиминација, а тоа го признава капитенот Мануел Локатели.

-Многу боли затоа што ја имавме во раце и испуштивме пласман во наредната фаза. Сите сме одговорни. Сега, треба да се собереме и да излеземе од овој момент, но ова многу боли. Во моментов, немам објаснување. Тие одиграа подобро од нас. повеќе ја посакуваа. Теренот секогаш зборува, другото е само зборување, -истакна Локатели кој запрашан дали Јуве сега треба да ги промени плановите, тој одговори:

-Тоа е прашање за клубот; мораме да тренираме најдобро што можеме и да бидеме достапни. Овој пораз боли и мора да се обидеме да се вратиме во Лигата на шампионите следната година. Мислам дека нема многу што да се каже во моментов. Оние кои се подолго тука треба да преземат одговорност. Само заедно, со напорна работа и решителност, можеме да поминеме низ вакви моменти. Боли, но мораме да дадеме се од себе, -подвлече Италијанецот.