Локатели по потопот на Јувентус: Навивачите имаат право да не исвиркуваат…

Јувентус беше понижен од Аталанта на пресметката во Серија А, дуел на кој го забележа најтешкиот пораз во поновата историја на клубот.

„Бјанконерите“ иако во овој меч влегоа со пет победи во низа и можеа со триумф да се израмнат со клубот од Бергамо на крајот загубија со 4-0.

-Тешко е да се зборува по ваков натпревар. До пеналот мислев дека е добар настап, но кога го примивме вториот гол по стартот на вториот дел, тоа го исфрли ветрот од нашите едра. Не само што не реагиравме, туку се отворивме уште полошо и тоа направи да биде уште полесно за Аталанта, -вели Мануел Локатели кој ја разбира реакцијата на навивачите.

-Јасно е дека навивачите имаат целосно право да свиркаат кога ќе видат ваков натпревар. Секогаш им кажувам на помладите играчи и не заборавајте дека ние сме млада екипа и тоа не ни помага, но атмосферата целосно зависи од нас и нашите перформанси. Навивачите не следат насекаде и имаат право да не исвиркуваат. Треба да ја свртиме ситуацијата, се зависи од нас и нашиот став, -подвлече играчот за врска.