Локатели издвои еден фаворит за титулата во Серија А

Пет кола се одиграа во италијанската Серија А, пет кола по кои не се издвои ниту една екипа, пет кола по кои лидер е Торино, а Удинезе и Емполи се пред Интер, Милан, Лацио, Рома… на табелата што доволно говори за досегашните резултати.

Се очекува да биде многу интересно и возбудливи, а членот на Јувентус, Маниел Локатели издвои четири клубови кои според него ќе ги имаат главниот збор во трката за Скудетото со тоа што еден има предност.

-Верувам дека Интер останува фаворит, тие се најкомплетни. Ама има многу добри тимови, како Милан кој имаше одлично дерби. Наполи и ние (Јувентус) сме одличен тим, не смееме да се криеме. Меѓутоа да одиме чекор по чекор, -рече Локатели кој воедно ги посочи тренерите кои му оставиле најсилен впечаток во досегашната кариера.

-Најнеобичен дефинитивно е Де Ѕерби, бидејќи е најлуд, тој тоа го знае. Но неговото лудило е исто така подарок, му помага да постигне одлични резултати. Алегри е исто така одличен тренер, -истакна Мануел за „Тутоспорт“.