Лофтус-Чик со атрактивен погодок ја круниса победата на Милан на Сардинија (ВИДЕО)

Фудбалерите на Милан го оправдаа статусот на фаворити и славеа на вечерашното гостување во Сардинија кај Калјари со 3-1.

Пиоли го измеше составот за овој меч, односно извади тим кој според него требаше да донесе резултат и на крајот тоа се случи и покрај тоа што домаќините беа тие што го отворија резултатот во 29 минута преку погодокот на Лувумбо.

„Црвено-црните“ одговорија и до крајот на првиот дел направија пресврт со головите на Окафор и Томори.

Во вториот дел Лофтус-Чик даде убав гол од далечина што беше доволно за заокружување на оваа партија на клубот од Милано.

„Росонерите“ имаат 15 бода, во наредното коло го дочекуваат Лацио.

На другите средби Емполи ја доби Салернитана со 1-0, а со истиот резултат Аталанта ја освои Верона.