Љафтов: Ги повикувам сите да дојдат во недела и да не бодрат до победа против Грција

Во одбојката има многу бројки и комбинаторики, но кажано со наједноставен речник, само еден натпревар може да ја однесе Македонија на четврто европско првенство едноподруго.

Шансите се реални, нашите одбојкари в недела ќе ја пречекаат Грција во Скопје, а триумф ќе значи прво место во квалификациите и веќе исполнета задача.

Македонскиот примач Александар Љафтов знае дека публиката може да биде клучниот адут за наш успех. Влезот е бесплатен, па тој очекува полни трибини и поддршка.

„Најважниот натпревар со Грција, помина Грузија и очекуваната победа дојде и покрај напорниот пат. Ако ја победиме Грција веќе сме со една нога на ЕП во 2026. Но ајде прво да победиме, сакам да ги замолам сите љубители на одбојката и на спортот да дојдат во недела и да не бодрат, заедно да издвојуваме победа. Ако не победиме нема да биде крај зошто имаме уште два натпревар следното лето, така да шансите се големи“, изјави Љафтов:

Како што објави ОФМ, влезот на мечот во „Јане Сандански“ во недела кој се игра од 20:15 часот ќе биде слободен