Ливерпул се издвојува како клуб кој ќе му го реши проблемот на Димитриевски

Столе Димитриевски го напрарви најголемиот трансфер во кариерата на почетокот на ова лето, но шпанските медиуми во изминатиот период пишуваа дека тоа може да биде еден од двата трансфери кои ќе ги направи Македонецот ова лето.

Најдобриот македонски чувар на мрежата пристигна на „Месталја“ како слободен агент, но при преговорите, побарал во договорот да биде вклучена клаузула за заминување доколку клубот не го исполни првиот услов кој бил клучен и пресуден за него.

Иднината на Гиорги Мамардашвили директно влијае и врз судбината на Македонецот, бидејќи Столе во договорот има клаузула според која би добил олеснителни околности за заминување, доколку на крајот Грузиецот остана во клубот.

Прва и главна цел на Валенсија е да го продаде Мамардашвили и да му остави простор на Димитриевски, операција која е клучна за клубот и поради стабилизирање на буџетот за новата натпреварувачка сезона.

Вчера беше пренесено дека Димитриевски ќе си замине од Валенсија само ако клубот не го продаде Мамардашвили, но сега ситуацијата се менува и се зголемуваат шансите за подолг престој на Столе на „Месталја“.

Ливерпул полека се издвојува како клуб кој може да му го реши проблемот на Димитриевски, бидејќи во последните 24 часа сериозно ги интензивирал преговорите за ангажман на Мамардашвили.

Иако има прв голман во овој момент, Ливерпул сака навреме да си осигура замена за Алисон за наредните неколку години, а во извонредниот Гиорги гледа одличен наследник. Мамардашвили сигурно нема да прифати да биде втор голман на Ливерпул, но „црвените“ веќе му имаат и договорена позајмица во Премиер лигата, каде би собрал искуство во англиската елита, пред да застане на голот на „Енфилд“.

Според информациите од Шпанија, Ливерпул ќе достави официјална понуда во наредните 72 часа, а истата ќе биде во висина измеѓу 30 и 40 милиони евра.