Ливерпул победи, Клоп предупреди: Тоа нема да се случи…

Ливерпул оствари победа во првиот меч во групната фаза на Лига Европа и тоа на гостувањето во Австрија каде го надигра составот на Ласк со подобра игра во второто полувреме.

„Црвените“ направија пресврт и со головите на Нуњез, Дијаз и Салах изборија славје од 3-1. Со овој триумф премиерлигашот ја продолжи серијата на одлични резултати, но тренерот Јирген Клоп ја искористи оваа прилика да испрати порака до навивачите, јавноста која очекува оваа екипа да се прошета до трофејот во ова натпреварување.

-Знам како е светот и знам дека луѓето очекуваат да „летаме“ низ ова натпреварување. Тоа нема да се случи. Тоа нема да се случи во групната фаза, нема да се случи во нокаут фазата. Тоа нема да се случи.

-Мораме добро да се испотиме и тоа го направивме. Вечерва учевме, противникот страдаше многу помалку од теренот отколку ние, што е малку нормално затоа што почесто ја имавме топката. Но, покрај тоа моравме да се навикнеме. Така можеме да научиме толку многу, -истакна Германецот.