Ливерпул одбил понуда на Саутемптон за играч кој блескаше на американската турнеја

Ливерпул добил солидна понуда од Саутемптон за еден од своите фудбалери, но истата е експресно одбиена од страна на „црвените“.

Интересот на „светците“ бил поврзан со Фабио Карвалјо, фудбалер кој се прикажа во добро светло за време на американската турнеја и постигна голови на соочувањата со Арсенал и Манчестер Јунајтед.

Саутемптон понудил 15 милиони фунти за 21-годишниот офанзивен фудбалер, но тоа не е понуда за која Ливерпул би се одлучил да се откаже од услугите на Карвалјо, посебно што тој успеа да се наметне кај новиот менаџер Арне Слот.

Прашање е колку Португалецот ќе добива шанса кога во екипата ќе се вратат фудбалерите кои во моментов го привршуваат својот одмор, па евентуален компромис во финишот на преодниот рок би бил заем на Карвалјо и сезонава.

Минатата, Ливерпул го позајми овој фудбалер во РБ Лајпциг, односно Хул Сити.