Ливерпул ќе го собори клупскиот рекорд за трансфер на поранешен играч на Сити

Ливерпул летово успеа да го задржи Мохамед Салах, но англиските медиуми тврдат дека египетскиот репрезентативец веројатно ја игра последната сезона во дресот на премиерлигашот.

Голгетерот на „црвените“ собори многу рекорди во Ливерпул и ќе биде запаметен како еден од најдобрите играчи во историјата на Ливерпул, но „Мирор“ потенцира дека не планира да ја одбие атрактивната понуда од Саудиска Арабија.

Поради ова, весникот тврди дека Јирген Клоп го има одредено приоритетот на посакуван левоног фудбалер и тој се вика Лерој Сане.

Поранешниот играч на Манчестер Сити игра одлична сезона во дресот на Баерн Минхен и го привлекува вниманието на ривалските клубови, а Ливерпул за него е подготвен да го собори и клупскиот трансфер рекорд.

Сане веќе има премиерлигашки титули со Сити, а тимот на Пеп Гвардиола го напушти во 2020 година.