Ливерпул го задржа перфектниот скор, реми без голови на „Максимир“ во ЛШ

Еден гол е постигнат на два натпревара одиграни во првиот термин од денешната програма, а Ливерпул со единствената реализација го задржа перфектниот скор во Лигата на шампионите.

Бојан Миовски не беше во конкуренција за Џирона поради повреда, неговиот тим одигра одлично во првото полувреме, но во вториот дел Ливерпул успеа да го подигне нивото и да стигне до клучниот момент за победа.

Ван де Бек го фаулираше Диаз во шеснаесетникот на Џирона, а Салах ладнокрвно реализираше од белата точка за конечни 0:1 на „Монтиливи“.

Во Загреб, Динамо и Селтик одиграа без голови, Стефан Ристовски беше стартер за домаќините, а тој и неговите соиграчи мора да се задоволат со реми и еден освоен бод.

Хрватскиот првак сега има 8, Селтик е со 9 освоени бодови, додека Џирона има само 3 бода во досегашниот тек на главната фаза на ЛШ.