Ливерпул го уништи Тотенхем и ќе се бори за трофејот во Лига Купот (ВИДЕО)

Ливерпул го надигра Тотенхем со 4-0 и со вкупни 4-1 ја доби полуфиналната битка и со тоа обезбеди место во завршниот меч во англискиот Лига Куп на „Вембли“ каде за ривал ќе го има составот на Њукасл.

Избраниците на Арне Слот комплетно ги надиграа „петлите“ на вечерашното соочување на „Енфилд Роуд“ и сосема заслужено ќе играат во финалето на ова натпреварување, поточно се изборија за прва можност за трофејот во тековнава кампања.

Се тргна од голот на Гакпо постигнат во 34 минута, потоа Салах во 51 минута реализираше од белата точка.

Во 75 до 80 минута домаќините постигнаа уште два гола, првиот беше дело на Собослаи, вториот на дефанзивецот Ван Дајк.

Virgil van Dijk Scores from the corner kick!!🔥
Liverpool 4-1 pic.twitter.com/CA731Ubyrf

— Vusi (@fcbstann) February 6, 2025

Финалето е закажано за 16 март во Лондон.