Ливерпул го обезбеди потписот на Мамардашвили

Ливерпул денеска ги комплетирал деталите за трансферот на Гиорги Мамардашвили и грузискиот голман си обезбеди иднина на „Енфилд“.

Сепак, вториот дел од договорот вели дека Мамардашвили сезонава ќе остане во Валенсија и дури следното лето ќе се пресели во редовите на премиерлигашот.

Ова не е добра вест за нашиот Столе Димитриевски кој ќе има сериозна конкуренција во својот нов клуб и ќе мора да чека една сезона за да ја добие посакуваната позиција во Валенсија.

Ливерпул за Грузиецот ќе плати 25 милиони фунти, плус евентуални 4 милиони во вид на бонуси.

Актуелниот прв голман на „црвените“, Алисон Бекер, има уште две години од договорот и летово одбил примамлива понуда од Саудиска Арабија за да остане во Ливерпул.