Ливерпул го надигра Јунајтед, Халанд со хет-трик му пресуди на Челси (ВИДЕО)

Составот на Ливерпул реши уште еден премиерлигашки ривал на турнејата во САД, па по Арсенал (2-1) му зема мерка и на Манчестер Јунајтед (3-0).

Избраниците на Арне Слот беа поконрекретни или поточно подобро ги користеа шансите, па така во првиот дел Карвалјо и Џоунс стрелаа за сигурно водство од 2-0.

Овој резултат беше активен до 61 минута кога грчкиот репрезентативец Цимикас стави точка на сите дилеми околу победникот.

Манчестер Сити пак славеше над Челси со 4-2 и со тоа само потврди дека „сините“ имаат навистина многи проблеми во дефанзивата ако се земе предвид дека претходно четири гола им даде Селтик, а два тимот на Рексам.

Халанд беше во главна улога со хет-трик, за победникот погоди и младиот Боб. На другата страна Мадуеке и Стерлинг се погрижија овој пораз на Челси да не биде толку болен.