Ливерпул го доби Јунајтед, Слот незадоволен: Резултатот можеше да биде сосема поинаков…

Ливерпул се избори за победа над Манчестер Јунајтед (3-0) на тест средбата во Соединетите Американски Држави и тоа со погодоците на Карвалјо, Џоунс и дефанзивецот Цимикас.

„Црвените“ беа поконретни во завршницата на акциите за разлика од противникот кој имаше свои прилики, меѓутоа фалеше ударот за матирање, затресување на мрежата на ривалот.

Токму поради ова предводникот на Ливерпул, Арне Слот само делумно беше задоволен од настапот на екипата.

-Да задоволен сум, ама не целосно. Многу сме задоволни од резултатот, постигнавме навистина убави голови. Но, мислам дека немавме доволно контрола врз играта бидејќи Јунајтед ни се закануваше повеќе од неколку пати. Победа од 3-0, но резултатот можеше да биде сосема поинаков, -рече Слот кој даде позитивна оценка за турнејата во САД.

-Многу позитивно, мислам. Се разбира, резултатите, тоа е местото каде што сите гледаат. Играчите останаа фит и тие се способни да се претстават на начинот на кој ние сакаме, игра со висок интензитет. Видовме неколку одлични голови за време на оваа турнеја, некои одлични ситуации за надоградување и гледам дека навистина, навистина напорно работат за да не примиме голови.

-Како што кажав, денес мислам дека подаривме премногу шанси, Јунајтед заслужи повеќе од пораз од 3-0. Но, наш квалитет е и тоа што ги реализираме нашите шанси, -рече Холанѓанецот.

Последниот тест пред почетокот на новата сезона е против Севилја на 11 август.