Ливерпул ги собра месечните награди во Премиер лигата

Победничката серија на Ливерпул во Премиер лигата донесе доминација на „црвените“ и во доделувањето на признанијата за играч и менаџер на месецот во ова натпреварување.

Денеска, Премиер лигата ги објави лауреатите за месец ноември, па признанијата одат кај Мохамед Салах и Арне Слот.

Ливерпул во ноември победи на сите натпревари кои ги одигра, а Салах учествувал во пет од седумте постигнати голови, а го освојува признанието првпат по октомври 2023 година.

Ова е шеста ваква награда во кариерата за Салах и сега е израмнет со Стивен Џерард и Кристијано Роналдо.

За Арне Слот ова е прво признание за менаџер на месецот и го добива по само неколку месеци во дебитантската сезона во Премиер лигата.

Менаџерот на Ливерпул е четврти холандски стручњак кој дошол до признанието, кое претходно го освоија и Ерик тен Хаг, Мартин Јол и Роналд Куман.