Ливерпул ги скроти „волците“ и не дозволи нов кикс во Премиер лигата (Видео)

Ливерпул постигна два гола во првото полувреме против Волвс и тоа се покажа како доволна залиха за освојување на бодовите (2:1) на премиерлигашката средба.

По ремито со Евертон и губењето два бода со гол во судиското надополнување, „црвените“ денеска не погрешија против незгодниот противник, кој мораше да се задоволи со минимален пораз на „Енфилд“.

Диаз го отвори резултатот во 15. минута, а Салах реализираше пенал во продолжение за повисока предност на домашниот тим.

Матеус Куња постигна атрактивен гол во вториот дел и успеа да ги врати „волците“ во игра за позитивен резултат, но Вулверхемптон не успеа да направи изненадување и да го поремети ритамот на лидерот.

Со оваа победа, Ливерпул се врати на плус седум во однос на второпласираниот Арсенал.