Ливерпул ги разочара фановите откако реши да продаде играч на Брентфорд

Фановите на Ливерпул не ја кријат загриженоста поради фактот што клубот е премногу пасивен во актуелниот преоден рок, но тоа на го спречува раководството да прифати продажба по посакувани услови.

Фабио Карвалјо беше еден од најрасположените играчи во составот на Арне Слот за време на досегашните подготовки, односно на контролните натпревари, но очигледно летово ќе ја промени средината.

Португалска „А Бола“ објави дека Ливерпул ја прифатил понудата на Брентфорд за Карвалјо и ќе заработи 20 милиони евра за 21-годишниот фудбалер, а информацијата донесе многу негативни коментари од фановите на социјалните мрежи.

Португалецот сигурно ќе има многу поголем простор во редовите на „пчелите“ отколку во Ливерпул, каде досега голем број офанзивни играчи беа на продолжен одмор, а ќе се раздели со „црвените“ по само две сезони.

Карвалјо дојде во Ливерпул од Фулам во 2022 година, но минатата година ја помина на заем во Лајпциг, односно Хул Сити.