Ливерпул брутално ги казни грешките на Јунајтед за доминација на „Олд Трафорд“ (Видео)

Манчестер Јунајтед уште еднаш ги разочара своите фанови на „Олд Трафорд“ и тоа во големото дерби со Ливерпул, а првото премиерлигашко соочување на Ерик тен Хаг и Арне Слот заврши со убедлив триумф (0:3) на предводникот на „црвените“.

Трент Александер-Арнолд уште во 7. минута ја затресе мрежата на домаќините, но голот беше поништен со ВАР, а такво сценарио не се повтори во 35 и 42. минута.

Касемиро направи две грешки во опасната зона и Ливерпул брутално казни со одлични акции кои беа претворени во гол преку Луис Диаз.

Колумбиецот го најави исходот на натпреварот, а Јунајтед беше дотолчен со уште еден гол, кој Мо Салах го постигна во 56. минута од натпреварот.

Манчестер Јунајтед забележа втор пораз по ред и остана на само три бода, додека Ливерпул го задржа перфектниот учинок е на врвот заедно со Манчестер Сити.