Лисандро оди „под нож“, ќе се врати на терените дури наредната година

Манчестер Јунајтед останува без услугите на Лисандро Мартинез на подолго време или поточно до крајот на оваа календарска година.

Дефанзивецот мора да биде опериран за да ја надмине повредата на стапалото. Аргентинецот имаше проблеми и во минатата сезона и пропушти скоро два месеци за да сега да мора одново да оди „под нож“, ситуација која ќе го оддалечи од терените или поточно ќе му овозможи враќање на истите дури во 2024 година.

Лисандро се повреди против Арсенал, ама стегна заби и настапи во дуелите со Брајтон и Баерн Минхен во Лигата на шампионите со што ситуацијата се влоши, поточно Јунајтед мораше да го „замрзна“ и да се тргне во решавање на проблемот кој го мачи големиот борец.

Јунајтед има огромни проблеми со дефанзивците во актуелнава кампања, тренерот Ерик Тен Хаг во моментов не може да смета ниту на Маласија, Шо, Ван Бисака и Регилон.