Липи добил тежок предизвик да избере најдобар играч со кого работел: Кога ќе помислам на…

Марчело Липи е фудбалски стручњак кој го обезбеди последниот мундијалски триумф на Италија, а во својата тренерска кариера освои и многу клупски трофеи, пред се на клупата на Јувентус.

Поранешниот италијански тренер добил предизвик да го избере најдобриот фудбалер кого го тренирал во својата кариера, нешто што сигурно не може да биде едноставна задача, ако се знае со каков калибар на играчи соработуваше Липи.

– Работев со многу големи играчи, меѓу кои беше Баџо.

– Најдобриот, како би избрал такво нешто? Ако кажам Дел Пјеро, ми текнува на Зидан… Ако кажам Зидан, ми текнува на Дел Пјеро.

– А потоа се потсетувам на Вијали, кој многу ми недостасува поради уникатниот карактер, но исто така и Конте, кој беше моја продолжена рака на теренот. Да не ги заборавам и Пирло, Тоти, Гатузо, Буфон, како и Роберто Баџо кој е еден од најголемите фудбалери во историјата, – рекол Липи.