Линекер и Ширер со ист став за трката за титулата во ПЛ: Искрено…

Англиските фудбалски легенди, Гери Линекер и Алан Ширер делат ист став за трката за титулата во Премиер лигата.

Веќе сме на средина од кампањата 2024/2025, дел кој најдобро го искористи составот на Ливерпул кој забележа само еден пораз и тоа од Нотингем Форест во месец септември, тим кој интересно во моментов е најблиску до „црвените“ на прволигашката табела.

Сето ова придонесува полека скоро сите експерти да даваат еден заклучок, а тоа е дека титулата ќе заврши на „Енфилд Роуд“.

-Повторно беа многу импресивни. Тие имаат големо водство сега. Нотингем Форест е втор, што е извонреден напор. Искрено, не можам да видам некој како сега се приближува до Ливерпул, нели? Мислам дека сега се незапирливи, -истакна Линекер на што се надоврза Ширер.

-Ливерпул беше брилијантен, тие се толку силни на секоја позиција. Имаат толку многу опции. Тие се навистина, навистина силни и тешко е да се погледне некој друг освен Ливерпул. Само самите можат да го прокоцкаат, -смета најдобриот стрелец во историјата на ПЛ.