Линекер и Ричардс по триумфот на Ливерпул: Клубот мора да направи една работа (Видео)

Мохамед Салах постигна атрактивен гол со кој Ливерпул вчера успеа да го комплетира пресвртот против Брајтон и да дојде до победа со која направи предност во однос на Манчестер Сити на премиерлигашката табела.

Египетскиот фудбалер доби комплименти и од менаџерот Арне Слот, а по натпреварот воодушевувањето од неговиот настап не го криеја ниту Гери Линекер и Мика Ричардс.

Во анализата за „Би-Би-Си“, Линекер го истакна голгетерскиот ефект на Салах и фактот што веќе го надмина Роби Фаулер на вечната листа, додека Ричардс имаше јасна порака за раководството на Ливерпул.

– Многу се зборува за тоа дали ќе му биде продолжен договорот, но Ливерпул мора да го задржи.

– Тоа е императив, нека му дадат двегодишен договор на крајот на сезоната. Ќе има 33 години, би го задржал до 35 години…

– Работата со Салах е што не мора да игра добро за да постигне важни голови во важни моменти. А, тоа е разликата меѓу многу добар и топ играч, – истакнал Ричардс.

“It’s imperative Liverpool give Mo Salah a two-year deal” ✍️#MOTD @MicahRichards pic.twitter.com/C4uhR7HDMm

— Match of the Day (@BBCMOTD) November 3, 2024