Линекер ги издвои петте најсилни тимови во Лигата на шампионите

Остануваат само уште четири места за осминафиналето во Лигата на шампионите, места кои ќе бидат пополнети денеска по дуелите во Мадрид, Ајндховен, Дортмунд и Париз.

Потоа ќе следи и ждрепка иако веќе горе-доле се знае кој со кого може да вкрсти во наредната нокаут рунда. Лигата на шампионите се прати со огромно внимание насекаде низ стариот континент и светот, па Гери Линекер како човек од фудбалот, англиска легенда ги посочи тимовите кои според него се најсилни во натпреварувањето.

-Кои се најсилните клубови кои останаа во Лигата на шампионите? Очигледно Ливерпул, веројатно Реал Мадрид ако помине, ама и Сити ќе биде таму горе.

-Потоа ќе кажам Интер и Атлетико Мадрид. ПСЖ е многу подобрен, ако кажете дека би можеле да го освојат на почетокот на сезоната, би рекол: „не, не можам тоа да го видам тоа“, -истакна Линекер.